換季收納全攻略：冬衣棉被點收先唔發霉？

香港天氣潮濕，每年換季都係衣物發霉、變黃、生蟲嘅高危時刻。想冬衣棉被安全過季，收納前後嘅步驟好重要。

收納前一定要洗乾淨

着過嘅衫就算睇落乾淨，都會殘留汗漬同皮脂，擺耐咗會氧化變黃，仲會惹蟲。所有衫物洗淨、徹底晾乾之後先好入箱，羽絨同大褸建議乾洗。

唔同物料唔同收法

• 棉質、牛仔：直立式摺好，可以用真空袋壓縮慳位
• 羽絨：鬆身摺疊即可，長期真空壓縮會影響蓬鬆度
• 皮褸、絲質：用透氣衣套掛好或者平放最面層，切忌重壓
• 棉被：徹底曬乾後用防塵袋裝好，加防潮珠

防潮防蟲小貼士

每箱放一至兩包防潮珠或者吸濕包，樟腦類防蟲用品唔好直接掂到衫物，用透氣紙袋包住擺喺箱角。避免用報紙包衫，油墨會轉印。

屋企冇位擺？交畀恆溫倉庫

香港屋企空間有限，成季唔着嘅衫物同棉被，可以入箱交畀上門收送儲存服務，存放喺通風管理嘅倉庫，好過迫喺床下底同櫃頂焗住。

換季時間表

建議每年三、四月收冬衣，十、十一月收夏物。喺網上預約收箱，換季執屋一次過搞掂，下季需要時再安排送返屋企。