搬屋前後點善用迷你儲存？過渡期唔使逼爆屋企

搬屋係唔少香港家庭嘅大工程，尤其新舊居交接時間夾唔到嘅時候，成屋雜物唔知擺邊度好。以下係我哋團隊幫客人處理搬屋儲存嘅實戰貼士。

提早一個月開始分類

搬屋前最少一個月開始執嘢，將物品分成「即刻要用」、「搬完先用」同「唔再需要」三類。「搬完先用」嘅物品可以提早入箱交畀儲存服務，屋企即刻鬆動晒，執剩低嘅嘢都快好多。

交接期唔使租短期單位

如果舊居要早過新居入伙日交還，唔使急住租車或者搵親友借地方。將傢俬以外嘅箱裝物品交畀上門收送儲存，等新居準備好先安排送返，慳返短租同來回搬運嘅費用。

入箱有技巧

• 每個箱清楚寫低內容同埋將來擺放嘅房間
• 易碎品用衫或者毛巾包住，一物二用慳位又防撞
• 常用文件、貴重物品自己隨身帶，唔好入儲存箱

裝修都用得着

除咗搬屋，屋企裝修都係儲存服務嘅常見用途。將傢俬雜物暫存，師傅開工有位行，完工後物品乾乾淨淨送返屋企。

網上預約，上門收送

喺網站揀好箱數同時間，我哋會送空箱畀你慢慢執，執好再約時間上門收走。搬入新居安頓好之後，隨時安排送返，一步一步嚟，搬屋唔使一日搞晒。