迷你箱收納攻略：點樣執先至最慳位？

香港居住空間有限，好多家庭都想將唔常用嘅物品收納好。以下係我哋上門收送服務團隊成日同客人分享嘅收納心得。

第一步：先分類，後入箱

將物品分成三類：成日用、換季先用、可能唔再用。只將「換季先用」嘅物品放入儲存箱，可以大大減少屋企雜物。

衣物點樣摺先慳位？

• 直立式摺法：衫摺成長方形直立擺放，一眼睇晒所有衫
• 厚身冬衣可以用真空袋壓縮後再入箱
• 皮革及羽絨製品避免長期壓喺最底

書本及文件

重物擺箱底、輕物擺面，每箱唔好裝到過重，方便搬運同保護箱身。文件建議用文件夾企直擺放。

入箱前記得影相

每箱入好之後影一張相，並記低箱入面有啲乜。需要取回物品時就可以好快搵到目標箱，唔使逐箱開。

交畀我哋上門收送

執好箱之後，喺網上預約時間，我哋團隊會上門收箱送往倉庫。需要取回時同樣安排送到府上，唔使自己搬。