回南天潮濕點算？衣物傢俬防潮防霉儲存全攻略

香港每年春天嘅回南天同梅雨季，室內濕度動輒超過九成，衣物、皮具、木傢俬最易中招發霉。以下係我哋團隊同客人分享嘅防潮儲存心得。

點解香港咁易發霉？

黴菌喺濕度高於七成嘅環境就會活躍。香港三、四月回南天加上夏天雨季，屋企牆身、衣櫃背板長期潮濕，收埋喺櫃底嘅換季衣物往往一攞出嚟就見到霉點。

衣物防潮三步曲

• 洗淨徹底晾乾先好收：有汗漬或者微濕嘅衣物係發霉溫床
• 厚身冬衣用真空袋壓縮，抽走空氣減少受潮面積
• 箱內放乾燥劑或防潮珠，記得定期更換

皮具同手袋要特別小心

皮革最怕忽乾忽濕。收納前抹淨、陰乾，入袋時用透氣塵袋而唔好用密封膠袋，袋入面塞紙定型兼吸濕。

木傢俬同電器

木傢俬避免貼牆擺放，留返少少罅隙俾空氣流通。電器長期唔用都要間唔中通電，防止內部受潮。

恆溫抽濕環境先係治本

屋企點樣防潮都好，都敵唔過成個雨季嘅高濕度。我哋嘅倉庫有恆溫抽濕管理，濕度長期受控，最適合存放怕潮嘅換季衣物同雜物。可以考慮上門迷你箱或者上門迷你倉，我哋上門收送，唔使自己搬。